十香園紀念館

十香園紀念館（粵拼：sap3 hoeng1 jyun4 gei3 nim6 gun2；英文：Ten Fragrances Park Memorial Hall）係中國廣東省廣州市嘅一間紀念館，喺海珠區江南大道中嘅懷德大街3號，嶺南畫派紀念中學東門出面條涌嘅對面嗰度。呢間紀念館喺2007年成立，佢既係由清朝尾嗰時，居巢同居廉呢兩位廣東比較出名嘅畫家嘅故居同畫畫嘅地方，又係廣州市嘅一間愛國主義教育基地。

兩個所謂編輯

呢間嘢因為傳說話入面種咗素馨、瑞香、夜來香、鷹爪、茉莉、夜合、珠蘭、魚子蘭、白蘭、及含笑等10樖好香嘅花響度，所以「十香園」嘅名就係噉嚟。

之前居廉喺呢度住嗰陣，就喺呢度開咗間舖嚟教啲學徒，重培養咗一批近代美術人才出嚟。其中嶺南畫派入面嘅兩位創始人——高劍父同陳樹人，因為佢喺呢度培訓出嚟先至出咗名，所以呢度又可以嗌成「嶺南畫派嘅搖籃」。

呢間嘢嘅總佔地面積去到3879㎡。佢分開咗兩個區，分別係遺址區同美術展覽區：

佢包括咗今夕庵、嘯月琴館、紫梨花館呢三間主體建築。入面擺嘅嘢《居巢、居廉同十香園》嘅固定展覽，佢介紹咗呢兩位畫家喺畫畫方面係點出名嘅，甚至重介紹咗十香園嘅歷史。

佢包括咗兩層樓嘅美術展館同藝術家交流廳、後花園、親水平台同休閒廣場嘅配套設施，以《詩情畫意溯流之源——隔山畫派同嶺南畫派先師紀念展》嘅固定展，通過「一人、一畫、一史」嘅方式嚟介紹咗隔山畫派同嶺南畫派嘅發展同傳承。