協紀辨方書

協紀辨方書，講擇吉原理嘅書，大清官方所制訂，故此又叫欽定協紀辨方書。全書卅六卷。乾隆四年，即一七三九年，皇帝愛新覺羅弘曆下令編修。由允祿、梅玨成、何國宗等三、四十人編撰。皇帝親制序文。

四庫全書子部，第八百一十一冊有收錄。

紀即係時間，方即係方位，依本書目的整理同集大成，等人唔會無所適從。由於經歷數千年，風水命理術數等擇吉已有好多支流，非常繁雜，有時互相矛盾，故此亦整理一番，去除一啲雜說。