南極星（英文：NJStar）係澳洲出產嘅一系列中日韓書寫系統有關嘅軟件，最初係微軟視窗嘅外掛中文系統，亦即係畀人可以喺英文版微軟視窗可以睇同打中文嘅外掛程式；而今gaa1主打文書處理器（NJStar Chinese CWP），有微軟視窗同 MacOS X 兩個版本[1]。
南極星由中國大陸裔澳洲人開發，喺初期出品嘅中文系統入面，將五大碼寫咗做 ｢大五碼｣，時間上同 ｢大五碼｣ 叫法嘅出現吻合，好可能係導致五大碼被人叫錯做 ｢大五碼｣ 嘅原因。
