南泰路

南泰路（粵拼：naam4 taai3 lou6）係中國廣東廣州嘅三條東西走向道路，喺海珠區。

南　泰　路 NANTAI LU

南泰路嘅路牌（珠江醫院附近嗰嚿）

性質： 一般馬路 全長： 西段：0.92km 中段：1.2km 東段：0.76公里 行車線： 雙向2～4車道 地區： 廣州市海珠區 起點： 西段：廣州東方印染廠 中段：工業大道中 東段：江南大道南 終點： 西段：工業大道中 中段：江燕路 東段：東曉南路同鳳景西路嘅交界 主要建築： 西段： 廣州東方印染廠 中時通訊建設有限公司 莊頭公園 中段： 珠江醫院 翠城花園 上影國際影城 海富花園 東段： 南泰家紡城 富榮新村 泰怡苑

呢三條馬路係海珠區最易搞錯嘅馬路，因為佢分別喺南石頭、江燕街道同埋曉港一帶，而且三條都唔相連。

三條南泰路嘅起點到終點

• 西段：從廣州東方印染廠開始，一直去到工業大道中。
• 中段：從工業大道中開始，一直去到江燕路。
• 東段：從江南大道南開始，一直去到東曉南路同鳳景西路嘅交界。

海珠區最易搞錯馬路

呢條馬路喺海珠區三大主幹道（工業大道、江南大道、江燕路）開發之前，係條從西邊嘅珠江航道去到東邊曉港嘅瑞景路社區附近嘅主幹道。直到1990年代初因商業開發同經濟發展好快，令馬路一分為三，但路名一直冇改到。雖然2000年代初，有媒體好多次報道呢個情況，加上有街坊向政府建議將三條南泰路分別改成噉嘅名：

• 西段：「南泰一路」或「南泰西路」
• 中段：「南泰二路」或「南泰中路」
• 東段：「南泰三路」或「南泰東路」

但係，政府部門因為考慮到改名之後，唔單止連門牌同路牌都要改名，甚至連住喺嗰條馬路入面大量嘅相關單位同住宅戶口簿、身份證都要改名。甚至連工作人員都冇收到同「南泰路改名」有關嘅消息而冇改到名。

敘述

• 西段：全長920m，闊18m，雙向2車道。
• 中段：全長1.2km，闊24m，雙向4車道。
• 東段：全長760m，闊14m，雙向2車道。

經過嘅道路

條路從西到東排，加粗嘅字係主幹道：

• 南石路
• 南邊路
• 工業大道中

------------ 唔相連 ------------

• 工業大道中
• 翠華路
• 寶崗大道、燕翔路
• 江燕路

------------ 唔相連 ------------

• 江南大道南
• 泰沙路
• 東曉南路、鳳景西路

規律同特色

條路雖然分開咗三截，但馬路基本上嚟講都有規律同埋特色：

路段	門牌規律	車道數	主要特色
西段	冧巴≤300	2	多數為工廠廠房，有間大公園響度。條路比較窄，路口重有間大酒店。
中段	300＜冧巴＜600	4	馬路兩邊有醫院同個樓盤，路東邊最篤有間大商場。
東段	冧巴≥600	2	路西邊最篤有間大商場，路段中間有間家紡城。

連出去

• 一条南泰路“腰斩”开三截 街坊找不着北 大洋網