海派京劇係指上海同埋上海周邊地方發展出嚟，適應咗大上海既藝術風格既京劇。
喺乾隆期間，清朝有兩個戲劇活動既中心，一個係北京，一個係揚州（包括蘇州、上海同埋鄰近地區）。京劇喺北京形成以後，就開始向其他地方傳播。清朝後期，上海同埋上海周邊地方既藝人慢慢開始演出京劇，佢哋用咗佢哋原有既演繹技巧同埋方法，將呢啲技巧同埋方法移植到京劇表演藝術度，發展出一個新既流派，呢個流派就係海派京劇，亦都叫做「外江派」或者「南派」。
同北京既政治主導唔同，上海係經濟主導，清朝既中後期亦慢慢受外國影響，令到上海既觀眾，無論喺審美、對美感既認知、藝術追求都好唔同，亦都更傾向於接受新嘢，追求藝術既獨特性。
