南海仲裁案

 南海仲裁案（粵拼：naam4 hoi2 zung6 coi4 on3） ，係指菲律賓向荷蘭海牙嘅常設仲裁法院提出針對中華人民共和國喺南中國海所主張嘅九段線已違反《聯合國海洋法公約》（UNCLOS）而提出嘅仲裁案。

2015年7月7號，法院首次舉辦咗聽證會；而中國外交部亦同時發表聲明，唔承認常設仲裁法院對呢單案嘅司法管轄權，又拒絕接受菲律賓任何形式有關呢單案嘅和解建議。

2016年7月12號，常設仲裁法院裁決支持菲律賓喺南海領土爭端入面對中國嘅控告。法庭一致認為，喺九段線方面中國（中華人民共和國政府）「冇歷史權利」宣稱主權。

台灣海峽兩岸都講到明唔接受仲裁結果。中華民國海軍喺2016年7月13號開軍艦去中華民國實際控制嘅太平島，宣示主權。