南華路 (廣州海珠)

南華路（粵拼：naam4 waa4 lou6）係中國廣東廣州嘅東西走向馬路，喺海珠區。西邊從洪德路嗰邊開始，一直向東去到草芳圍。佢係成個海珠區得返嗰3條騎樓街嘅其一。

南　华　路 NANHUA LU

南華東路（廣州市輕工技師學院後門附近）

性質： 一般馬路 全長： 2.25公里 行車線： 2車道，東向西嘅單行綫。 地區： 廣州市海珠區 起點： 洪德路 終點： 草芳圍 主要建築： 濱江西路第一小學 海幢公園 廣州市輕工技師學院（南校區） 雲南大酒店

概要

全長2250米，闊11米，2車道。成條路係單行綫，凈可以從東向西行。馬路分開咗西、中、東三條。

南華路嘅三條道路，起點到終點。

• 南華西路：從洪德路開始，一直去到海幢公園西邊嘅伍家祠道。
• 南華中路：從海幢公園西邊嘅伍家祠道開始，一直去到同慶路。
• 南華東路：從同慶路開始，一直去到草芳圍。

史

1926年，廣州市政府拆龍溪西約、龍溪中約、福麟街、紫來街、冼涌、躍龍東街等整馬路，起名「南華路」，寓意河南城區繁華昌盛。

喺抗日戰爭之前，呢度係一個好出名嘅商業旺地，入面都係啲幾有規模嘅舖頭響度。嗰時大多數嘅舖頭都係做五金、鋼材、生鐵同埋五金工具呢行，喺而家，好多騎樓人行道入面啲屋嘅牆度，重見到嗰時舖頭嘅名。不過到咗抗日戰爭就唔好彩，因為蘿蔔頭成日嚟炸廣州，搞到廣州淪陷，結果就唔再係出名嘅商業旺地。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 洪德路
• 寶崗大道
• 同慶路
• 江南大道北
• 濱江橫路
• 小港路
• 草芳圍

建築

喺廣州海珠區，騎樓密集嘅地方，除咗同福西路、洪德路就係爾條路。其中南華西路保存得比較完整，騎樓後面重有舊時大戶人家嘅府邸，亦多竹筒屋同紅磚樓，所以南華西路有「清末民初嘅廣州建築博物館」嘅講法。家陣重有老字號舖頭留低響處。

有關嘅書

• 广东玩全攻略 广州栏第10篇文　ISBN 978-7-5495-0379-7

攷

• 南华西骑楼街纳入保护 以“修旧如旧”修缮
• 蜿蜒连片骑楼街 原汁原味的浓浓广州情 大洋网 喺2013-10-21搵到