印度博帕爾工業事故

印度博帕爾工業事故（印地文：भोपाल गैस काण्ड）發生喺1984年12月3號凌晨，印度中央邦博帕爾嘅美國聯合碳化物屬下嘅聯合碳化物（印度）有限公司（UCIL），喺博帕爾貧民窟左近嘅一間農藥廠發生異氰酸甲酯（Methyl Isocyanate）洩漏事件。官方公布死咗2,259人，當地政府確認同氣體洩漏有關嘅死亡人數有3,787人。重有大約8,000人喺跟住落嚟嘅兩個禮拜冇命，另外約莫8,000人因為氣體洩漏而死亡。根據一份2006年嘅官方文件顯示，呢次洩漏造成咗558,125人傷，包括38,478人暫時同局部傷殘，同埋約莫3,900人嚴重同永遠傷殘。呢單嘢畀人覺得係最嚴重嘅工業事故。