去中國化

去中國化（英文：de-sinicization），亦叫做去中化，係指一啲曾經受到中國既政治同埋文化影響，或者一啲曾經中國化既國家，出現咗排除中國政治影響力，排除中華文化既主導地位，重新建立本土文化認同既運動。

朝鮮係最早出現去中國化既國家，目的係去除日本統治期間強制使用既日本漢字，作為去殖民化所採取既民族主義行為。1945年金日成更發出指示，要求朝鮮共產黨（朝鮮勞動黨既前身）喺黨內出版既所有印刷品唔準用漢字。其實朝鮮既去中國化一啲都唔容易，佢哋用咗兩年先至可以喺1947年將《勞動新聞》既部分版面用朝鮮文印刷。要去到四年後既1949年，先至達成徹底去中國化既目標，結束朝漢兩文混用既時代。

而正式用去中國化呢個詞，係喺1980年代既台灣本土化運動，目的係對抗國民黨政府所推行既「中國中心」政策，同埋恢復台灣既本土文化（台灣叫做「在地文化」）、習慣、風俗同埋生活樣式。