反斗奇兵系列
電影
編輯制作
編輯呢個系列1-3部採用學院寬銀幕（1.85:1）製作，第4部採用變形寬銀幕（2.39:1）製作。
《反斗奇兵》
編輯内文：反斗奇兵
《反斗奇兵》系列嘅第一部電影，並喺1995年11月22號喺美國上映。係第一套完全由電腦合成影像創作嘅長篇電影，由尊·賴斯達執導。故事講述一個富有想像力嘅年輕郊區男仔安仔，得到一個新嘅巴斯光年玩具，導致舊式牛仔玩具警長胡迪認為巴斯光年會取代咗佢成為安仔最鍾意嘅玩具。嫉妒嘅胡迪企圖將巴斯掉喺枱後面，但係意外將佢推咗出窗外面，令到其他玩具認為胡迪企圖謀害巴斯。胡迪嘗試拯救巴斯，兩人都嘗試逃離隔籬鄰居、一個鍾意折磨同摧毀玩具嘅阿薛屋企。
《反斗奇兵續集》
編輯内文：反斗奇兵續集
電影1999年11月24號喺美國上映，由尊·賴斯達回歸執導。故事講述胡迪被一個叫做艾爾嘅貪婪玩具收藏家偷走，巴斯同幾個安仔玩具出發試圖營救胡迪。胡迪喺過程中發現咗佢作為歷史悠久嘅電視明星起源。
《反斗奇兵3》
編輯内文：反斗奇兵3
電影2010年6月18號喺美國上映，同《反斗奇兵續集》隔咗11年。呢套係第一部唔係由尊·賴斯達執導嘅《反斗奇兵》電影，改由佢第一部電影嘅編輯師、第二部電影嘅聯合導演李·安克里奇執導。故事講述啲玩具俾正準備上大學嘅主人安仔唔小心放咗喺打算送去陽光托兒所嘅箱度。彼思聲稱呢部電影包含超過150個新角色。
《反斗奇兵4》
編輯内文：反斗奇兵4
電影2019年6月21號喺美國上映，由祖殊·科雷執導。面對一個唔情願做玩具嘅「小叉」，胡迪一班人再度面臨「新生玩具來臨」嘅議題。小叉係寶妮最鍾意嘅玩具，但係佢並唔願意正視自己莫名而得嘅身分，試圖逃離並結束自己身為「玩具」嘅生命。
《光年正傳》
編輯内文：光年正傳
《光年正傳》集中講啟發巴斯光年玩具嘅同名英雄過去嘅故事。