召喚夜響曲4

召喚夜響曲4（日語：サモンナイト4）係由Banpresto將於2006年 11月30日發售嘅PlayStation 2 策略模擬角色扮演遊戲。闊別3年嘅召喚夜響曲系列正傳第4作。而家預約將附送資料設定集「SN4 Official Visual Book」。

系統

戰鬥系統同前作相同，而本作中戰鬥嘅細微部分亦加入語音。
同時，亦都強化遊戲內嘅Mini Games，令遊戲更加充實。

遊戲本篇嘅男性主角，帝國北部嘅驛站城鎮特雷優經營旅館兼餐廳。或者係因為長久以嚟一直獨自生活嘅緣故。佢雖然顯得好成熟，但亦對於冇辨法無條件依照世間常理做事嘅自己感到不安同困惑。個性是非份明。有時會因為咁而顯得感情用事。但亦有勇於承認自己過錯嘅坦率嘅一面。擅長照顧人。非常受歡迎。

遊戲本篇嘅女性主角。居住喺帝國，喺位於帝國領土北部嘅驛站城鎮特雷優經營著旅館兼餐廳，努力咁度過每一日。個性直嚟直往，而且好鍾意照顧別人，能幹嘅佢因為咁成為了四周嘅人爭相請求協助嘅對象。亦你非常受歡迎。雖然哩點好令佢高興，但亦因為咁令到其他人好少將佢當成普通嘅女仔咁看待，哩樣令佢私底下有啲不滿。

某一日，七彩嘅蛋好似流星咁喺天上面跌落嚟，並且喺蛋入面生出一隻龍之子。龍之子將啱啱好在場嘅主角當成父母而且一直跟喺主角身邊。好奇心旺盛嘅龍之子對任何事物都充滿了興趣，亦因為咁令主角惹上好多麻煩。

調皮嘅男仔。

用詞粗魯，成日同主角持撐到行。不過，直率嘅性格係佢嘅優點。

鍾意喊同鍾意詐嬌嘅女仔。

成日叫主角做「爸爸」「媽媽」，天真爛漫。

沉默寡言但非常老實嘅細路。

總係覺得唔敢靠近別人。

主角嘅童年玩伴。同時亦係路西安嘅姐姐。只要一遇到覺得有趣嘅事就會馬上埋首其中，無論點都可以玩得好高興。父親泰勒。布薩克斯係召喚師組織黃金派閥嘅召喚師。亦係鎮上嘅有力人士。莉雪兒雖然亦係個能夠召喚嚟自機界羅雷拉爾召喚獸嘅召喚師，但重未加入派閥。

主角嘅童年玩伴。從細個開始，佢同主角同埋姐姐莉雪兒總係3個人一齊行動。有過度操心事情嘅傾向，但非常能幹，總係輔助嗰2個人。雖然佢係黃金派閥召喚師嘅仔，但因為佢並沒有遺傳到召喚師嘅才能，因為選擇咗學習劍術。

屬於帝國軍陸戰隊嘅軍人，係駐守喺主角居住嘅驛站城鎮特雷優。

佢嘅任務係要維護城市嘅治安。佢不會拒絕別人嘅請求，而且每天都要解決城鎮內嘅紛爭，所以深受城鎮居民愛戴。對主角嚟講佢係個值得依靠嘅大哥哥。

獨自住喺城郊嘅靚女姐姐

屬於「蒼之派閥」嘅召喚師，擅長召喚「幻獸界梅特爾巴」嘅召喚獸。專門研究嚟自異世界嘅植物，而主角餐廳使用嘅食物都係由佢提供。佢對召喚獸嘅生態亦都非常熟識，有時候亦會治療受咗傷嘅召喚獸。

由敏特召喚，同佢一起生活嘅守護獸。負責看守敏特嘅菜園，係個值得信賴嘅人物，同主角非常熟識。

莉雪兒與路西安家嘅女僕，負責照顧兩人。總係擔心佢們係咪係做咗啲咩危險嘅嘢。