叱咤樂壇我最喜愛的男歌手

叱咤樂壇我最喜愛的男歌手係叱咤樂壇流行榜頒獎典禮每年嘅重點獎項，由第九屆即1996年起設立，至今共頒發過23座，共有12位男歌手成功涉獵。張學友係首位得獎者，最近（2022年）現屆嘅得主係盧瀚霆。

呢個獎嘅賽果由樂迷投票決定，樂迷可以喺全年叱咤流行榜上榜嘅男歌手中挑選1位投票，經過幾個回合，淘汰較低票數嘅男歌手，最後得出大獎得主。

皆因呢個獎由開創以來一直係完全由聽眾票選嘅男歌手獎項，所以呢個獎喺香港樂壇被視為極為重要嘅男歌手獎項。