吊牀

吊牀又寫吊床，係床一種。顧名思義，係吊起嘅牀。牀身多數係網、布等織物造，前後搵個穏陣嘅支撐，用綁或者其他方法，將牀身綁上支撐，吊起張牀。支撐多數係樹或者柱。吊牀原本係熱帶土人，諗出來睏覺嘅方法。後尾船上面水手，貪舒服用慳位，都睏吊牀。探險家同軍人，行森林時，都睏吊牀。家下吊牀散去世界各地，多數係貪輕鬆而用，亦都帶去露營旅行。