吞金

吞金係一種中國古裝劇同經典小說入面有時會出現嘅一種自殺方法。

例子

喺《紅樓夢》入面，尤二姐面對王熙鳳嘅奸計折磨以及肚裏面BB冇咗嘅雙重打擊，最後絕望吞金自盡。

喺電視劇《延禧攻略》入面，喺富察府做婢女嘅青蓮（方楚彤飾演），因為被喜塔臘·爾晴（蘇青飾演）賣咗去做雞，不堪受辱吞金自殺。

吞金致死嘅可能性

黃金本身並無毒，吞金自殺嘅人多數都係吞咗黃金之後，黃金壓迫腸道，又排唔出體外，又消化唔到，搞到消化道阻塞，或者腸道破穿，最終被劇烈嘅疼痛慢慢折磨至死。

亦有說法話以前黃金冶煉技術唔純熟，所以黃金會有雜質，從而會帶毒性，引發敗血症。