吳承恩

吳承恩（粵拼：ng4 sing4 jan1；約1500年—約1582年），字汝忠，係大明小說家，至出名係寫咗《西遊記》。佢係江蘇淮安人，號射陽山人。

屋企

吳承恩家貧，無仔女。

吳承恩響中央太學，南京大學前身，讀咗十年。

吳承恩約莫40歲先補到歲貢生，到北京等分官職，之不過選唔到。之後，母老家貧，去咗做長興縣丞，最後俾人告到坐監。兩年後乜都無，晚年重要賣文為生，將近80歲先死。

吳承恩寫過好多書，不過窮兼無後，作品散失。據史書記載，有志怪小說集《禹鼎記》，已失傳。目前淨返後人輯嘅《射陽先生存稿》卷。

佢寫嘅《西遊記》，係家傳戶曉嘅作品，孫悟空更加個個都識。本書估計係收集民間故事再編寫嘅作品，一般都認為最後由吳承恩定稿。不過學術對呢方便有爭議。

《天啟淮安府志》響佢死之後，評價佢「性敏而多慧，博極群書，為詩文下筆立成，清雅流麗，有秦少游之風。復善諧謔，所著雜記幾種，名震一時」。