呂佐夫志願軍

呂佐夫志願軍（德文：Lützowsches Freikorps）係拿破崙戰爭時期普魯士軍隊裡面嘅一支志願軍部隊，1813年2月成立，1814年解散。個名來自志願軍嘅指揮官路德維施·阿道夫·威廉·馮·呂佐夫男爵（Ludwig Adolf Wilhelm Freiherr von Lützow）。由於絕大部份志願軍軍人著染成黑色嘅制服，所以呂佐夫志願軍有個花名叫做「黑獵人」（Schwarze Jäger）。

一幅歌頌呂佐夫志願軍嘅畫（德國居斯特洛夫市立博物館收藏）

雖然呂佐夫志願軍嘅軍事勝利唔係太多，但係由於當時普魯士軍隊裡面，祇有呂佐夫志願軍有好多來自其他德意志邦國嘅軍人，所以到19世紀德意志統一運動興起嘅時候，呂佐夫志願軍就成為咗民族主義者大力歌頌嘅對象之一。