姬旦

  「周公」跳轉到呢度。想搵其他用法，請睇「周公 (搞清楚)」。

姬旦，又叫周公、周公旦、叔旦，係姬周部落首領姬昌（西伯昌）嘅仔，姬發嘅細佬。

姬旦
周朝攝政王
在位	公元前1042年 - 1035年
全名	姬旦
諡號	周文公 褒德王 文憲王
父王	姬昌
母后	太姒

姬昌死後，姬發繼位做周王，佢幫手打天下，將西向東，响牧野之戰打敗商紂王，推翻商朝，成爲共主。姬發死，仔姬誦立。因爲姬誦年紀細，周公就代爲攝政。嗰陣就有三監之亂，姬旦同兄弟姬奭聯手剷除東方殷商勢力，奠定姬周地位。同時亦創立禮樂，爲各諸侯所遵守，死後謚號文，世稱周文公。

周公同夢

「夢神」

因為孔子一句「吾不復夢見周公」（我好耐冇夢到周公治理嘅美好社會喇），後來周公就畀人叫做「夢神」。

周公解夢

「周公解夢」係傳統嘅夢文化，根據夢嘅內容預測未來。流傳喺民間嘅解夢書《周公解夢》入便，分咗夢做十五類：直夢、象夢、因夢、想夢、精夢、性夢、人夢、感夢、時夢、反夢、借夢、寄夢、轉夢、病夢、鬼夢。

民間傳說同戲稱

民間傳說如果一個人就快發生啲乜重要嘢，周公就會嚟投夢，於是「夢周公」用嚟戲稱睏覺。亦有人用「（去）搵周公」代表去睏覺。