周旨
| 周旨 | |
|---|---|
| 晉朝 將領 | |
| 活躍時期 | 280年 |
| 遞啲名 | |
太康元年（280年）正月，杜預伐吳，打到來樂鄉時，佢派牙門將軍管定、周旨、伍巢帶住800人嘅奇兵，喺半夜划船渡江去襲擊樂鄉。佢哋樹起多張旗，喺巴山起火，喺要衝出沒，來嚇敵方。呢啲事震驚咗吳國都督孫歆，佢寫信畀伍延話：「北方來嘅敵軍，係飛過長江來嘅。」吳國投降嘅平民有萬餘人，周旨、伍巢喺樂鄉城外伏兵。孫歆去抗擊王浚，但係大敗返來，周旨嘅伏兵跟住撈咗入孫歆嘅軍隊，孫歆唔覺，結果畀周旨喺帳下直接捉住。於是當時軍中有歌仔唱話：「以計代戰一當萬」，意思係「用計謀代打仗，可以一個勝萬個」。跟住晉軍進逼江陵。
喺《三國演義》第120回，周旨作爲杜預嘅副將，帶住800人渡江，埋伏喺巴山打旗放火。杜預大破吳軍時，場面混亂，周旨嘅士兵撈咗入吳軍城內，喺混亂當中周旨斬咗孫歆。之後周旨同張悌打，周旨殺入吳營，殺咗沈瑩。
參攷資料
編輯- 房玄齡。〈列傳第四：杜預傳〉. 《《晉書》》。｢太康元年正月……又遣牙門管定、周旨、伍巢等率奇兵八百，泛舟夜渡，以襲樂鄉，多張旗幟，起火巴山，出於要害之地，以奪賊心。吳都督孫歆震恐，與伍延書曰：『北來諸軍，乃飛渡江也。』吳之男女降者萬餘口，旨、巢等伏兵樂鄉城外。歆遣軍出拒王浚，大敗而還。旨等發伏兵，隨歆軍而入，歆不覺，直至帳下，虜歆而還。故軍中為之謠曰：『以計代戰一當萬。』於是進逼江陵。｣