周永康 (中國)

呢篇文講中國共產黨前領導人。搵緊第啲叫周永康嘅人物嘅話，請睇〈周永康 (香港)〉同埋〈周永康 (美國)〉。

周永康（粵拼：zau1 wing5 hong1；1942年 12月3號—）係中國共產黨前高層領導人，江蘇無錫盪口人，做過第十七屆中共中央政治局常委、中央政法委書記兼中央綜治委主任。周永康同已經坐緊監嘅薄熙來關係密切，薄熙來垮台之後周永康被指係薄熙來嘅後台同幕後黑手。

周永康（2006年喺美國華盛頓）

2013年10月，根據香港南華早報報導，講中共中央總書記習近平已經成立咗特別工作組，負責調查周永康^[1]。2014年12月5號，中共開除咗周永康嘅黨籍，移交司法機關處理。

2014年12月5號，中共中央政治局會議決定開除佢黨籍，對佢涉嫌犯罪問題同線索移送司法機關處理。同日，最高人民檢察院對佢立案偵查並逮捕。^[2]

2015年4月3號，最高人民檢察院偵查完周永康案，檢察機關指控佢涉嫌受賄、濫用職權、故意泄露國家秘密，並經指定管轄，移送天津市人民檢察院第一分院審查起訴。^[3]。2015年6月11號佢一審被判無期徒刑。

周永康係1949年中華人民共和國成立以嚟首個因腐敗問題而接受調查並被開除中共黨籍、接受司法審判嘅政治局常委，亦係目前為止被查處嘅最高級別官員^[4]。

做過改

呢篇同中國人相關係楔位文。歡迎幫維基百科擴寫佢。