周瑜

  想搵第二個意思嘅話，請睇周瑜 (搞清楚)。

周瑜（粵拼：zau1 jyu4；175年—210年），字公瑾gung1 gan2，係廬江舒（今安徽省舒城縣）人，人稱「美周郎」，東漢末年群雄孫策、孫權重要將領。

周瑜

周瑜好後生就成就大功，加上自身謙虛寬容，相貌堂堂，精熟音律，重深得主上孫策、孫權嘅禮遇器重，佢老婆小喬亦稱國色，係後世唔少人羨慕追思嘅英雄形象。

佢所指揮嘅赤壁之戰，係中國史上著名嘅以少勝多戰役，亦直接決定三國時代魏蜀吳三國鼎立嘅局面。

周瑜喺210年病死，享年36歲。

家庭

周瑜同老婆小喬有2仔1女：

• 周循，周瑜大仔，老婆孫魯班，官拜騎都尉，有周瑜之風，早死。
• 周胤，周瑜二仔，老婆孫家宗女，初為興業都尉，屯於公安，封都鄉侯。最後因罪放逐廬陵郡，病死。
• 周氏，周瑜個女，嫁畀太子孫登。

文學作品中嘅周瑜

喺小說三國演義，諸葛亮喺過江東爭取東吳嘅聯盟時，將曹植嘅銅雀台賦中「連二橋於東西兮，若長空之蝃蝀」篡改為「攬二喬於東南兮，樂朝夕之與共」，用嚟激嬲周瑜。

參考

• 《三國志‧吳書‧周瑜傳》