周魴(?—241年之前),字子魚,陽羨(家下江蘇宜興)人,嗰時嘅鄱陽太守。《三國志·吳書·周魴傳》係講佢嘅傳記。

周魴阿爸周賓係吳國諮議參軍,阿仔係「除三害」嗰個周處

一生人

佢後生嗰陣勤學,後嚟畀地方推舉做孝廉,做寧國同懷安嘅縣長。錢唐大帥彭式等人聚集做賊,周魴做錢唐侯相嗰陣,一個月就斬殺咗彭式同佢嘅殘黨。黃武四年十二月(226年初),鄱陽郡嘅山民彭綺作亂,周魴畀孫權委任做鄱陽太守,同胡綜一齊平定佢同埋拉彭綺。

七年(228年),佢寫咗箋書七條詐降曹魏,話吳國可以攻破,親自剪自己嘅頭髮鴞大司馬曹休嘅信任,曹休佢性格唔多懷疑,中咗計,帶著十萬步騎去皖城接應,畀陸遜佢哋打潰,孫權石亭之戰戰勝之後,周魴加封裨將軍同埋關內侯

之後賊帥董嗣豫章臨川[1]嘅財物,吾粲唐咨帶領三千士兵攻佢幾個月都唔得。周魴表面就退兵,實質係用間諜搵策略殺咗董嗣,董嗣個細佬驚咗就去武昌投降陸遜。

佢喺鄱陽郡嗰度十三年(約238至241年之間)就走咗,歷史書話佢「賞善罰惡,恩威並行。」

  1. 裴松之話臨川郡喺孫亮太平二年(257年)立嘅郡,當時冇臨川郡。