命名空間（namespace）喺編程上係指一隻程式語言裏面專門攞嚟幫變數或者物件改名嘅符號，目的係要確保每款變數或者物件都有一個獨特嘅名，個程式唔會撈亂（能夠識別佢哋）。
呢種功能喺軟件工程上相當重要：軟件工程好多時都會涉及多位軟件工程師分工各自寫啲源碼。命名空間能夠用嚟確保將佢哋寫嘅碼結合埋一齊嗰陣唔會有「撞啱若干個變數同名」噉嘅撈絞情況[1]。
