掃桿埔咖啡園墳場（Mount Caroline Cemetery），通常簡稱咖啡園墳場，係香港一個華人公眾墳場，喺香港島加路連山南部嘅掃桿埔樂活道，1891年開設，1961年停止接受安葬申請。
墳場附近地方曾經種過咖啡，所以叫「咖啡園」，但咖啡唔適應香港氣候而枯死，令咖啡園好快就廢棄咗。
1918年跑馬地馬場大火，罹難者集中葬喺墳場入面嘅「戊午馬棚遇難中西士女公墓」，又豎立馬棚先難友紀念碑。
