咪買呢個
《咪買呢個》（英文：Don't Buy This），全名《咪買呢個：有史以來五個最差嘅遊戲》（英文：Don't Buy This: Five of the Worst Games Ever），係一個以ZX Spectrum為平台嘅電子遊戲合輯，1985年4月1號發佈。根據包裝盒上嘅說明，呢隻遊戲包含呈交畀電腦遊戲標籤Firebird嘅五個最差遊戲。
| 咪買呢個 Don't Buy This | |
|---|---|
| 類型 | 電子遊戲合輯 |
| 平台 | ZX Spectrum |
| 整 | 數位 |
| 模式 | 單人 |
| 發行日期 | 1985年4月1號 |
| 儲存裝置 | 卡式錄音帶 |
與其係拒絕提呈，Firebird決定透過發佈一個遊戲合輯，即《咪買這個》來整蠱呢啲遊戲嘅原開發商，並將《咪買呢個》標籤為「非原創嘅」同埋和「可怕嘅」。Firebird重放棄埋呢啲遊戲嘅版權，畀人任整遊戲翻版[1]。遊戲合輯賣2.50英鎊[2]。
遊戲
編輯《咪買呢個》總共有五個遊戲：《菲多1》、《菲多2：小狗能量》、《王牌竞速》、《吃角子老虎》同埋《黃鼠狼威利》[2]。
- 《菲多1》（Fido 1）係一個極具重複性嘅遊戲。喺遊戲入面，玩家需要控制一隻名為菲多嘅狗擊敗鼴同雀仔，以保衞一個區域。喺遊戲入面，菲多只可以左右移動[1]。
- 《菲多2：小狗能量》（Fido 2: Puppy Power）基本上同《菲多1》一樣。遊戲同《菲多1》不同之處係菲多能夠向四處移動，重可以由對眼發射激光擊敗敵人，增加生命[3]。
- 《王牌競速》（Race Ace）係一個畫質差劣嘅賽車遊戲。玩家需要控制一架淺藍色嘅賽車，但係賽車轉彎時只可以轉90度或180度。玩家亦冇可能喺賽車遊戲中勝出，因為每當玩家一轉彎，一定會俾對手超越。喺遊戲其中一個畫面，遊戲個名更被誤拼為「Ace Racer」[1]。
- 《吃角子老虎》（Fruit Machine）係一個老虎機遊戲。喺遊戲入面，玩家需要玩一個畫質差嘅老虎機。呢架老虎機嘅捲軸唔會轉，只會相當緩慢噉郁。但係，遊戲嘅包裝上就將呢隻遊戲描述為「需求技巧，時機，神經同埋絕對集中嘅神秘嘅、原創嘅新穎遊戲」。[1]
- 《黃鼠狼威利》（Weasel Willy）係一個極具重複性嘅遊戲。喺遊戲入面，玩家需要控制一隻名為威利嘅黃鼠狼行路，避過隨機生出嘅樹木同埋自己嘅腳印。腳印愈多，分數愈高。樹木喺關卡開始嗰時就會自動生出，而威利更可能喺關卡一開始就掂到樹木，令遊戲即刻玩完[4]。