所有嘢

所有嘢，又叫冚嘭唥或咸不剌（粵拼：ham⁶ baang⁶ laang⁶；快音讀 ham⁶ baa⁶ laang⁶），係所有存在嘅嘢，係無嘅相反。無明示或暗示嘅限制下同任何嘢同義。理論上宇宙即所有存在嘅嘢（除非平行宇宙存在）。所有嘢可以指人類中心世界觀，或人類經歷、歷史嘅總和。所有物同實體皆係所有嘢一部分。

詞源

據國學大師饒宗頤嘅考證，「冚唪唥」係古代波斯語，係由拜火教教徒喺唐代陣傳入嘅。不過另外一啲學者，就有超多唔同嘅睇法，認為可能係洋涇濱英語、蒙古語族、吳語、官話，或者土著底層詞、粵語本源詞，各有各講，就有啲不可知論嘅感覺。