哈廸斯快餐店（Hardee's）係美國主要嘅快餐集團，分店多數喺美國東岸、南部同東南部一帶。1960年喺美國北卡羅來納州創立，透過特許經營嘅形式急速擴展，直到2006年喺美國有接近兩千間分店。哈迪斯目前由Carl's Jr.快餐店嘅母公司CKE Restaurants所擁有。
哈廸斯喺1990年代開始進軍海外市場，曾經喺德國、澳洲、埃及同埋多個亞洲、中美洲國開分店。不過家下只係喺中東有分店。
