哲學輔導

哲學輔導，又叫做哲學諮商。即係用哲學方式去處理日常生活中所遇到嘅煩惱。一九八零年代，哲學諮商喺歐洲非常流行，阿肯巴赫對當時精神病理學同埋心理治療將人生問題定義做病，感到唔滿意，佢認為噉樣係唔能夠解決到求助者嘅問題，所以佢參考古代聖人嘅智慧，開創出助人化嘅哲學輔導。

哲學輔導史

一九八二年，德國哲學家阿肯巴赫成立咗哲學實踐工作者嘅組織「德國哲學執業學會」（即係「世界哲學執業學會」嘅前身），並且開始以哲學諮商員嘅身份開始工作。直到九十年代《柏拉圖的靈丹》出版，呢本書證明咗哲學諮商嘅有效性，引起咗社會人士嘅注意，吸引咗唔少哲學家從事哲學諮商 。

同心理輔導嘅分別

哲學諮商同心理諮商處理嘅範疇相同，但切入點唔同。哲學諮商主張帶領案主理性思考，唔鼓勵用藥，亦都唔會偏重處理案主情緒嘅問題，所以諮商師需要有清晰嘅思路去引導案主去思考問題 。

目標同方法

哲學諮詢係一種比較新嘅哲學運動，佢將哲學思想同埋辯論用嚟解決一個人嘅日常問題。阿亨巴赫（Achenbach）認為，生活係需要思考，而唔係透過思想嚟激發生活。所以，當生活優先過思想，然後實踐先於理論嗰陣時，哲學就可以作為自己嘅生活指導。

根據 NPCA 實務標準嘅序言，

哲學從業人員可以幫助客戶闡明、解釋、探索同理解佢嘅信仰體系同世界觀。客戶可以透過諮商哲學從業人員去尋求同中年危機、職業轉變、壓力、情緒、自負、身體疾病、死亡同垂死、衰老、生命意義同道德等問題相關嘅哲學問題同埋幫助。另一方面，哲學從業者重可以發起具有世界意義嘅項目，呢啲目標同生活嘅基本問題有關，例如可持續能源、民主等。

1. 檢查客戶嘅論點同理由
2. 重要術語同埋概念嘅澄清，分析同定義
3. 揭露同檢查基本假設同邏輯含義
4. 衝突同矛盾嘅揭露
5. 傳統哲學理論嘅探索同對客戶問題嘅意義
6. 共同項目嘅啟動
7. 歷史上，認為係屬於哲學性質以及其他相關活動

變化

哲學顧問嘅方法同方向差異好大。一啲從業者，例如 Gerd B. Achenbach（德國），Michel Weber（比利時）同埋 Shlomit C.Schuster（以色列），都從事對話同辯證互動，但佢咃都承認「超越自我嘅方法」。佢哋認為，哲學諮詢嘅目的係增強客戶嘅哲學能力，過程中可能重會產生治療嘅意義。而諮商從業者就更有指導性，重將哲學諮詢視為精神健康其中一種形式。