唐朝建築泛指大唐建築風格

簡史 編輯

李淵618年建立嘅大唐嘅一個特點係佛教開始興盛,同獨專儒術漢朝形成對比。大唐對佛教嘅重視亦都反映喺其他方面,大唐派咗好多使者-例如係唐三藏-遠赴天竺(家下印度)學佛,呢啲使者仲將由印度嗰度學到嘅第啲知識傳返過去中土,令到大唐建築受印度建築影響,形成咗一套同打前嘅朝代嘅建築截然不同嘅一套風格。代表作有位於山西五台縣、俾建築學家梁思成稱之為「中國第一國寶」嘅佛光寺[1][2]

特性 編輯

喺風格上,唐朝建築嘅特徵係氣魄宏偉、嚴整開朗、舒展樸實、色調簡潔明快。唐朝建築好多時都規模宏大而且有住好嚴整嘅規劃,亦都開始成熟噉運用建築群嘅整體規劃[3]。唐朝建築善於大量噉使用木做料,而啲佛塔就主要用磚石嚟起。唐朝建築影響力好勁,唔單只影響咗後世嘅中國建築,仲對隔咗個海嘅日本建築影響深遠[4]:日本由奈良時代(8世紀大部份時間)開始引入咗大唐嘅建築風格,將唐朝建築作為自身嘅建築風格嘅基礎,並且獨立於中國噉繼續將呢種風格發展上去,喺某啲方面比起後代中國建築仲更加完整噉保留咗唐朝建築嘅風貌[5]

喺20世紀及後嘅粵港澳地區,不嬲興以「唐人」自居嘅粵人又有起咗啲參考大唐風格嘅建築物,例如香港鑽石山志蓮淨院就係一個出眾嘅作品[3]

睇埋 編輯

編輯

  1. 穿越印度古今:影響東方建築的印度古文明.
  2. 唐朝——曾經有一個這樣的中國! 互聯網檔案館歸檔,歸檔日期2021年2月11號,.. 每日頭條.
  3. 3.0 3.1 簫默. 敦煌建築研究. 機械工業出版社. 2002.
  4. 東大寺 互聯網檔案館歸檔,歸檔日期2019年4月6號,..
  5. Paine, R. T., & Soper, A. C. (1981). The art and architecture of Japan (Vol. 8). Yale University Press.