棕櫚

  想搵一個科嘅植物嘅話，請睇棕櫚科。

棕櫚（粵拼：zung1 leoi4*5；學名：Trachycarpus fortunei）係棕櫚科棕櫚屬嘅常綠喬木。喺中國嘅華南地區同緬甸北邊嘅低海拔地區都可以搵到佢。

How to read a taxobox 棕櫚
喺庭院入面種嘅棕櫚
物種分類
界 植物界 Plantae （未分級） 被子植物 angiosperms （未分級） 單子葉植物 monocots （未分級） 鴨蹠草類 commelinoids 目 棕櫚目 Arecales 科 棕櫚科 Arecaceae 屬 棕櫚屬 Trachycarpus 種 棕櫚 T. fortunei
二元學名
Trachycarpus fortunei (Hook.) H.Wendl.

形態

呢樖嘢一般有3——5m高，個樣都幾直吓。佢嘅葉係園嘅扇形，有比較窄嘅褶皺痕響度，羽狀深裂品種，有長柄，葉色係翠綠。而佢嘅花係比較幼嘅黃色肉穗花序，而且公乸唔同樹；雖然佢嘅萼片同花瓣都係好似隻蛋噉，但係花公嘅花絲係分開咗，而花乸嘅花藥係比較長嘅，呢種植物一般喺每年5－6月開花。而佢嘅核果係長嘅橢圓形或波形，直徑得1cm到，一般喺每年8——9月份結果。

用途

呢樖嘢一般用嚟做綠化植物，同時佢嘅葉可以用嚟搞編織或整條繩纜都得。另外，佢嘅葉柄重可以用嚟做藥。

藥用價值

棕櫚嘅葉可以用嚟做藥，佢可以醫嘔血，疴血，血尿，大便出血，崩漏瀉血、痢疾、疴尿唔通暢呢度病。

相

習性 習性  單一樖樹 單一樖樹  樹幹（冇枯葉鞘） 樹幹（冇枯葉鞘）  樹幹（有枯葉鞘） 樹幹（有枯葉鞘）  樹冠 樹冠  葉 葉  花 花  果 果  核 核

文化

而家全球各地都有好多建築、地名同部分商標產品等等，好多都有講到棕櫚嘅植物。

杜拜嘅棕櫚群島

内文：棕櫚群島

喺阿聯酋嘅杜拜嗰邊有個嗌「棕櫚群島」嘅地名，佢哋都係杜拜嘅兩座人工島。而呢啲人工島都喺2001年由荷蘭嘅拿基爾（荷蘭文：Nakheel）公司負責開始喐手起，一直起到2005年底先至起好。到咗2007年10月初，呢個島變咗世界最大嘅人工島。而另外一堆群島喺2008年就停咗工。

棕櫚泉

内文：棕櫚泉 (加州)

喺美國嗰邊有個嗌「棕櫚泉」嘅城市，雖然佢係溫帶沙漠氣候，但喺嗰頭嘅高爾夫同旅遊界都幾出名吓。

有關嘅書

• 《江蘇沿海地區原色種子植物誌》。頁 243。ISBN 978-7-03-037655-8。
• 《植物學野外實習手冊》。高等教育出版社。頁 119。ISBN 978-7-03-031536-6。

出面網頁

• 〈棕櫚〉。A+醫學百科。
• 〈棕櫚-藥用資源〉。大盤山中藥寶典。
• 〈棕櫚 Zonglu〉。藥用植物圖像數據庫 (香港浸會大學中醫藥學院)。
• 〈棕櫚 Zonglu〉。中藥材圖像數據庫 (香港浸會大學中醫藥學院)。