問題娛樂圈

「問題娛樂圈，好過打八圈！」

問題娛樂圈（Is that Right）係一個問題遊戲節目，由2007年1月4號，到2月23號完結，逢星期一至五夜晚十點半，響無綫電視翡翠台度播出。呢個節目係由胡諾言同埋江欣燕主持。每一集都會邀請三位響娛樂圈嘅嘉賓參與呢個節目，節目中亦分咗做四大回合，可以俾呢三位嘉賓角力。

四個常規回合

是非題

三位嘉賓響90秒內答十條（後期係十五條）是非題，要答嗰樣料係堅料定係流料，並做出相應嘅動作。答啱有100分，答錯唔扣分。

看圖作料題

三位嘉賓要圈出相同同埋唔同之處，最高500分，最低10分。

其後遊戲玩法係嘉賓睇完片段後，畀出兩個答案，一個係片段入面嘅人物真實會講嘅答案，另一個係如果嘉賓係片段入面嘅人物會講嘅答案，同樣最高500分，最低10分。

男女關係題

三位嘉賓要響限時之內填上唔同嘅人物並加解釋，最高500分，最低10分。

娛樂鬥大細

主持公佈一位人物，根據三位嘉賓嘅分數去排，最低分嘅講先，每人會有兩次出牌嘅機會，喺牌上寫娛樂圈人物嘅名同埋解釋，最高500分，最低10分。

真相大白題

出線嘅嘉賓要抽選十個中嘅一個銀碼做本金，主持就畀一張扭曲咗嘅相嗰位出線者去估，有十次機會，每拎一個題示就扣10%本金，到最後十個提示之後都唔到或者估錯嘅就會出局，最後本金到估啱咗之後先至會揭曉。

C1機會

每個回合嘅最高分嗰一位可以參與C1機會，佢可以響十隻碟度揀一個，裏面有正面新聞同埋負面新聞。正面新聞可以加分，但係負面新聞就會扣分。但如果佢可以為負面新聞平反嘅話，就唔使扣分。之後改咗俾嘉賓玩填充題，句子有一個地方係遮住咗，嘉賓要同娛樂跟班傾遮住咗嘅部分係咩字詞，估啱可以加分，估錯就要扣分。