單田芳

單田芳（「單」字做姓氏時讀「善」，粵拼：sin3 tin4 fong1；簡化字：单田芳；1934年 12月17號—2018年 9月11號），原名單傳忠^[1]，係中國嘅評書表演藝術家、第三批國家非物質文化遺產傳承人^[2]、中國曲藝家協會會員以及中國通俗小說研究會會員，佢喺遼寧營口出世，籍貫河北保定淶水縣。其中評書表演喺語言上比較質樸，以聲繪形繪色繪情上尤為見長；其中個人評書節目同相關視頻亦自從1990年代中後期開始，喺中國中央電視台等中國內地各大電視頻道上相繼播出。

生平

1950年代，單田芳阿爸蒙冤入獄，阿媽同阿爸離婚。1953年考入東北大學，之後因身體同家庭原因放棄學業從事評書藝術，跟老師李慶海。1955年，單田芳入咗鞍山曲藝團，得到西河大鼓名家趙玉峰同埋評書名家楊田榮嘅指點。24歲正式登台。唔單只係表演傳統評書，亦有好多新書作品。

文革中因言獲罪，遭到迫害，甚至曾被造反派踢碎牙齒^[3]。

文革結束後，單田芳得以重新返回舞台講書。從鞍山廣播電台開始逐漸被全國評書愛好者接受，成為國內首屈一指嘅大師。

單田芳繼續發展評書藝術，創立北京單田芳藝術傳播有限責任公司，做董事長。^[1]^[4]

2018年9月11號下晝3點30分，單田芳因病喺北京中日友好醫院病逝，終年84歲^[5]。