嗌交
嗌交，又叫做鬧交、講口，即係至少兩個人強烈交換意見，而意見係兩極化，即係鬧嚟鬧去。
嗌交可以係人與人之間面對面亦可以係經媒介例如喺網上嗌交
原因
編輯通常嗌交嘅原因係某啲人覺得唔滿意，跟住就會發嬲、鬧其他人，第二啲人又鬧返你轉頭，你一句我一句，咁就係嗌交喇。好多人以為嗌交係有道理嗰個贏，冇聲出嗰個輸，所以嗌交嘅成日講唔停，人人爭講最後嗰句。
後果
編輯同人嗌交可以好傷人哋個心，或者搞到人哋好嬲，甚至引發自殘或者暴力事件，不過都要睇吓班人EQ有幾多分。所謂床頭嗌交床尾和，聰明人可以將想嗌交嘅對方冧甜，同意甚至贊同對方部分觀點。
避免嘅方法
編輯要避免同人嗌交，首先就要學下尊重人、講嘢之前要三思、一人少句，唔好手指指咁冇禮貌。諗吓「嗌贏場交，輸咗個家」。當你覺得想同人發嬲嘅時候，可以吸啖氣，或者飲啖凍水，慢慢數10下，呢啲都可以幫到你紓緩情緒。