嘉樂庇

嘉樂庇（葡文：José Manuel de Sousa Faro Nobre de Carvalho，1910年9月5號—1988年8月23號）係葡萄牙軍官、第121任澳門總督。

佢生於里斯本，曾喺陸軍服役，並喺印度果阿、安哥拉等地服務。1966年11月26號出任澳門總督，上任冇幾耐就發生一二三事件，令佢要簽署承擔全部責任嘅聲明書。1970年9月獲准續任兩年，同年晉升為將軍。1972年7月又獲准續任兩年。

嘉樂庇重視澳門工業嘅發展，推行以工業作為發展經濟基礎嘅新政策，推動澳氹大橋同埋九澳深水港嘅興建。其中前者更成為當時葡萄牙「十大建設」工程項目之一，呢座大橋更以嘉樂庇總督命名。

1974年，葡國發生「四二五革命」，澳門工商界曾發起簽名運動，挽留佢繼續擔任澳督職務。而喺所有葡國海外省總督喺革命後都被撤職嘅同時，嘉樂庇獲留至同年10月離任，1988年喺葡萄牙里斯本病逝。