四大家魚

四大家魚係中國南方四種主要嘅食用淡水魚，包括鯇魚、鯪魚、大魚同鯿魚。呢四種魚同中國北方嘅四大家魚：即係青魚、草魚、鰱魚同鱅魚有些少唔同。大魚北方人叫鰱魚，而鯇魚其實包括咗北方人叫嘅草魚同埋青魚，但係佢哋全部五種魚都一樣係屬於輻鰭魚綱鯉形目嘅鯉科物種。喺歐美地區，呢幾種魚合稱「亞洲鯉魚」，被視為當地水體嘅入侵物種。