國立臺北藝術大學係中華民國一間國立大學，喺臺北北投，學科主要有音樂、美術、戲劇、舞蹈、電影等等藝術同創作。佢前身係1982年開嘅國立藝術學院，2001年升格做大學。
2016年3月，香港政府部門康樂及文化事務署幫劇團「糊塗戲班」印場刊時，唔畀呢間大學嘅舊生、該劇團藝術行政主任兼執行監製羅淑燕喺自我介紹度寫全個校名，話「國立」呢個詞有問題唔畀用，跟住中共政府唔認國民政府嘅政治立場嚟自我審查。
