在職家庭及學生資助事務處
在職家庭及學生資助事務處（簡稱家庭學資處；英文：Working Family and Student Financial Assistance Agency，縮寫：WFSFAA）係香港特別行政區政府教育局同勞工及福利局轄下嘅部門，2015年3月1號透過編撥原有嘅學生資助處（以前叫：學生資助辦事處）同在職家庭津貼辦事處為同一事務處而成立，負責為香港有需要嘅家庭提供專設嘅資助，支援兒童同青年求學，同埋鼓勵在職家庭持續就業，自力更生。
簡介 編輯
在職家庭及學生資助事務處透過多項學生資助計劃，幫助學前至專上教育程度嘅學生，確保香港學生唔會因為經濟困難而未能夠接受教育。亦提供多項獎學金同獎勵計劃，鼓勵學生努力不懈，積極求學，爭取卓越成績。亦會負責推行低收入在職家庭津貼計劃，呢個計劃鼓勵自力更生，紓緩跨代貧窮。