地主

地主係擁有一啲住宅嘅人，好多時都會用租嘅方法嚟做收入嚟源。

喺東漢期間，好有錢同權嘅地主會騎馬車嚟代表佢哋嘅地位

責任

喺一份租借嘅合約裏面，地主一般都會需要做任何同維修相關嘅嘢，而租客就需要保持笪地方乾淨同安全。

好多地主都會用房地產嘅公司嚟負責處理問題，包括寫合約、揾人做維修、同埋揾租客等等。如果租得出，呢啲公司就會收返地主嘅部分租金。

批評

土地財產

土地作為財產並唔係一個全世界都有嘅概念。例如，美洲原居民並冇呢個概念，反而將土地睇成做公物。當時，洋人會見啲土著好似唔用笪地，跟住就自己攞嚟用。點不知原嚟佢哋純粹對土地嘅概念同睇法唔一樣。

有啲歐洲嘅學家並唔認為土地應該屬於財產，例如 Adam Smith。佢曾經批評呢個概念，話「當笪地一成為咗私人財產之後，地主就會冚唪唥ham6 bang6 lang6都走去話要收租」。

壟斷

如果地主非常有錢，亦好多時會買起哂附近嘅住宅，造成壟斷嘅情況。 例如，喺2011-2012年期間，一個亞特蘭大嘅社區有超過9成嘅屋都係畀一間投資公司買起咗。有時候，一間公司會起公司住宅，如果喺經濟衰退嘅時候，就可以升租同減人工。如果情況非常嚴重，就會造成貧民窟，即係環境又差到爆，但係啲地主嘅公司又當睇唔到。