垃圾債券

垃圾債券（Junk bond）又叫做高收益債、劣等債券，係信用評級甚低嘅債券。垃圾債券係由商業信用能力不足嘅中小企業、新興企業或者有呆帳紀錄嘅公司所發行。呢啲垃圾債券商業風險高，需要透過提高債券利息嚟吸引投資者。

垃圾債券源自美國，1980年代中係垃圾債券市場嘅鼎盛時期。米高·米爾肯被封為「垃圾債券之王」，佢當年曾靠銷售垃圾債券一年賺到5億美元，係當時華爾街最高嘅個人所得。

關於投資垃圾債券嘅投資者

一般嚟講，垃圾債券主要嘅投資者都係機構投資者，例如退休基金、共同基金、銀行同埋保險公司等，而一般散戶要投資呢啲債券，好多時都會經過共同基金 。