埋口maai4 hau2（Wound healing）係人整親之後表皮組織再生、傷口嘅肌肉會同皮膚都生返埋一齊，唔再有裂開嘅部份嘅自然過程。正常嚟講，皮膚嘅表皮（最外層）同真皮（深層）存在喺一個平衡嘅狀態，以做到一個處理傷口嘅屏障。埋口基本過程包括止血期、炎症期、增生期、成熟期同重塑期。
當皮膚傷咗（例如擦損、仆親、𠝹親噉）之後，一套複雜嘅生化程序會將傷口合返埋。喺傷咗之後嘅幾分鐘入面，血小板會喺創傷位置左近形成纖維蛋白嘅焦，用嚟止血。
