埋單

埋單係消費嘅過程，當客人攔好想買嘅，或者享用完服務（譬如喺食肆食完嘢），舖頭就要計下客人要畀幾多錢。

消費之後就係欠款，為免爭人數或繼續拖數就要冚數，埋單即「將欠落嘅數冚埋」。劉天賜嘅講法係話「埋單舊時要靠張單據寫咗嘅銀碼加埋一齊，所以叫『埋單』」。家陣大部分舖頭都將條數入落電腦，一撳掣就知要收個客幾多錢。

衍生意思

喺黑幫入面，埋單亦有殺人嘅意思，來自「欠債要還，以命抵債」嘅江湖思維，亦可以話係「了結今世恩怨」。