基斯瑞德費爾
基斯瑞德費爾（Chris Redfield，クリス・レッドフィールド）係嘉富康電子遊戲「生化危機系列」裏面其中一個主角。基斯最初喺第一集《生化危機》遊戲登場，佢同搭檔Jill Valentine本身係浣熊市（Raccoon City）警察局STARS嘅成員，佢之後就變咗做聯合國嘅BSAA創辦人。
2010年真人版第四集電影《生化危機：戰神再生》由威禾夫米拿飾演基斯。基斯喺2017年動畫電影《生化危機：血仇殺戮》都係其中一個主角。呢個角色得到好評，被公認係性感形象。佢喺《生化危機5》遊戲裏面嘅新設計造型得到評論家同埋擁躉嘅讚賞。
設計 編輯
神谷英樹形容基斯係「率直，硬漢型」，佢承認自己係呢種類型嘅擁躉。喺遊戲開發過程中，基斯被設計成比Jill Valentine更加強壯嘅身體，能夠跑得更快，承受更多嘅傷害。Reuben Langdong幫幾款《生化危機》遊戲做基斯嘅動作捕捉。
《生化危機5》中，基斯增加咗好多肌肉，進行大量訓練，目的係要赤手空拳對付成個遊戲系列裏面最強勁嘅壞蛋Albert Wesker。造型師山形洋介講過「幫佢哋做新嘅設計，保留番代表性嘅顏色，基斯係綠色、Jill係藍色，延續番以前一樣嘅外貌。」《生化危機6》遊戲裏面稍微重新設計基斯，佢因為酗酒同埋傷後失憶症而變得有啲頹廢樣。
電影 編輯
基斯喺2010年真人版電影《生化危機：戰神再生》裏面登場，由威禾夫米拿飾演佢。
基斯喺2017年動畫電影《生化危機：血仇殺戮》都係其中一個主角，其他主角係Leon S. Kennedy同Rebecca Chambers。同真人版電影唔同，呢個動畫電影同遊戲係有關係。個故事講三個主角要阻止Glenn Arias攻擊紐約市。
遲啲上映嘅《生化危機重啟版》，由Robbie Amell飾演基斯。