增埗粵拼zang1 bou6)係廣東廣州嘅一條村,舊底屬南海縣金利司恩洲堡,而家屬荔灣區西村街道。條村喺增埗河邊,南連沙貝海,北接鵝掌坦。世居村民姓蔡、張、梁,清代初期起咗思謙蔡公祠。

增埗離明觀,攝於1860-1880。
離明觀

編輯

條村西邊有河流經,舊時掛住罾網嘅漁船泊喺埗頭,就叫「罾埗」。後來寫成「繒埗」同「增埗」。而家亦有簡寫成「增步」[1]

編輯

呢笪地原先係臺地漢朝陸賈喺增埗河邊嘅舊埗頭上岸起坭城宋朝係陶瓷工業區。明清時期,增埗村屬南海縣金利司恩洲堡。明朝初期,西場蔡氏觀瀾公定居增埗,蔡氏家族喺日後發大。清朝,村民起思謙蔡公祠曹主娘娘廟。去到中華民國時期,屬廣州市南岸區,變成近代工業同近代新式學校聚集嘅地方。

1950年4月,屬廣州市南岸區增埗農會;同年6月,南岸區改名西區。1951年9月,屬廣州市西村區西增街。1952年9月,改屬西區。1955年5月,屬廣州市西區西增街道。1958年,撤街,屬廣州市西區西村街道。1960,西區改名荔灣區,屬荔灣區西村人民公社管理委員會。1961年8月,復街,屬廣州市荔灣區西村街道辦事處。1968年4月,屬荔灣區西村革命委員會。1980年9月,撤會復街,屬荔灣區西村街道,直到而家。增埗舊底仲屬西郊人民公社(1987年改名西郊行政村),經濟生產屬西郊村管。2002年,廣州​​市城中村改革,將行政村改成公司,西郊村由基層行政組織轉制成純經濟組織,增埗正式脫離咗西郊村[1]

編輯

  1. 1.0 1.1 廣州市荔灣區地方誌編纂委員會辦公室 (2017). . 調. p. 6-10.