壁球場
壁球場，打壁球嘅場，因為要有四面牆，通常喺室內打。壁球場可當拍球場咁用。
直至二十世紀六十年代，壁球場通都只係四面白壁，觀眾喺後方一樓騎樓睇。到六十年代中，就見後牆改用玻璃， 後方更多觀眾可以睇。近世更加有單丁嘅表演壁球場，四面玻璃，四方都有觀眾，漸漸成為大賽壁球場主流。個場單丁一個，放喺戶內又得，戶外亦得，更之多地方可以揀，甚至大商場入便都可以。
一般大眾玩嘅壁球場，都會幾個相連，一個場接一個場咁。
尺寸
編輯球場尺寸至初無特定，後尾有世界比賽，亦就有規定。一般而言分四種，單人場、雙人場、闊雙人場、美式硬球場。多數嘅場都講單人場。
單人場，地長九千七百五十毫米，闊六千四百毫米，底界四百八十毫米。雙人場闊過單人場，闊七千六百二十毫米。闊雙人場又闊過雙人場，闊八千四百二十毫米。美式就以呎吋計，長四十五呎，即一萬三千七百一十六毫米，闊二十五呎，即七六百二十毫米，底界十七吋，四百三十毫米。
用料
編輯由於壁球場似一個盒，四面牆、地板、天花都有較多規定。牆身用石屎批盪或者玻璃，地板多用木地板，而木板又多數用淺色楓木。天花要夠高。天花要畀玩家睇得清球嘅動向，所以多數淺色。前牆同地板之間夾位，裝咗五金長板，喺底界綫以下，叫鐵皮。鐵皮曲得圓，向牆身地板凹。故此球撞落鐵皮有獨特嘅聲，判定有無出界。後牆有門，門會開喺正中。
綫
編輯壁球場油綫，並無特限乜嘢色，只要求對比顯眼，四面牆嘅綫，要用同一隻色，地板嘅綫，要用同一隻色。然而多數會用紅色油綫咁。油綫闊五十毫米。
地板油綫，短綫，分前後場，後場有半場綫，分左右半場嘅。而發球格呈正方形，有兩個，喺短綫喺後場一邊，左右牆各有一個。
前牆油綫，有三條橫綫。上者，前場綫。中者，切綫。下者，底界綫。後牆若係石屎批盪牆，咁會有條橫綫做後牆綫，綫上會有響板。若果係玻璃，就唔會有綫。左右側牆，有側牆綫，由前牆綫斜落後牆綫。
攷
編輯- 〈世界官方場地標準〉 (PDF)。