士撻(英文Starter嘅譯音)係一種喺佢嘅自身動力下用旋轉(曲柄)內燃機啟動發動機運行嘅裝置。當一架車要著之前,車上面嘅發動機要達到一定嘅轉速先可以撻著,士撻就系用來幫個發動機去到一定嘅轉速。士撻可以係電動嘅、氣動嘅或液壓嘅。響例如非常大嘅發動機或農業或挖掘應用中嘅柴油發動機嘅情況下,起動機都可以係另一種內燃機。

車嘅士撻

內燃機係反饋系統。一旦啟動,佢就可以依靠每個循環嘅慣性來啟動下一個循環。響四衝程發動機中,第三衝程係燃料中釋放能量,為第四(排氣)衝程同下一個循環嘅前兩個(進氣、壓縮)衝程提供動力,同埋為發動機嘅外部負載提供動力。如果要係任何特定會話開始嘅時間開始第一個循環,前兩個衝程就必須以其他方式提供動力,而唔係從發動機本身提供動力。如果要咁做,一旦發動機開始運行並且佢嘅反饋迴路可以自我維持,就唔需要撻著電機。

電動 編輯

電動士撻係汽油發動機同小型柴油發動機上最常用嘅類型。現代嘅電動士撻係永磁或者串並聯嘅直流電動機,佢嘅上面有安裝到啟動螺線管(類似繼電器)。當來自啟動電池嘅直流電被施加到螺線管,即係用鎖匙著車嘅時候,螺線管就會同一個槓桿接合。然之後個槓桿會推出啟動器驅動軸上嘅驅動小齒輪,跟住個小齒輪就會同發動機飛輪上嘅齒圈嚙合。

螺線管仲會關閉士撻摩打高電流嘅觸點,跟住士撻摩打會開始轉動。響發動機啟動之後,鎖匙嘅操作開關就會打開,跟住螺線管組件中嘅彈弓會將小齒輪拉離齒圈,啟動馬達就會停低。起動機嘅小齒輪通過一個超越左楔形離合同佢嘅驅動軸接合,個離合器允許小齒輪只喺一個方向上傳遞驅動。用呢種方式嘅話驅動嘅力量可以通過小齒輪傳遞到飛輪齒圈,但如果小齒輪保持嚙合(例如因為操作員係發動機啟動嘅時候未能夠鬆開條鎖匙,或者如果匙膽入面嘅電線存在短路並且同螺線管保持嚙合),小齒輪將會同驅動軸獨立旋轉。咁樣可以防止發動機調過頭來驅動返個士撻,因為呢種反向驅動會導致士撻用太快嘅速度旋轉而令到士撻入面嘅零件散開。

除非修改士撻上嘅設計,採用上一段所講嘅楔形離合器裝置可以排除將士撻用作發電機。標準嘅士撻摩打通常設計成係間歇性使用,咁樣都會排除個士撻用作發電機嘅可能性。個士撻上面嘅電氣組件會設計到係個士撻過熱之前 30 秒去停咗個士撻(由於歐姆損耗所導致嘅熱量消散太慢),咁樣可以減輕士撻嘅重量同成本。大多數嘅汽車用戶說明書會指示操作員當嘗試撻著唔能夠立即啟動嘅引擎嘅時候,每撻車嘅10 秒或者15 秒之後需要暫停至少 10 秒。

上述嘅士撻設計喺 1960 年代初期開始分階段使用。係呢個時間之前,士撻用嘅係奔德士驅動器。奔德士系統將士撻驅動嘅小齒輪放置喺螺旋切割嘅驅動軸上面。當啟動馬達開始轉動,驅動小齒輪組件嘅慣性會令佢係螺旋線上向前驅動,從而同齒圈嚙合。當發動機啟動嗰陣,來自環形齒輪嘅反向驅動會導致驅動小齒輪嘅轉速超過起動機嘅轉速,呢個時候驅動小齒輪會被迫沿住螺旋軸向下移動,從而同環形齒輪脫離嚙合。但係噉做嘅缺點係如果發動機短暫著車但唔再繼續運轉,齒輪將會從士撻上面甩開。