夏丏尊

夏丏尊（粵音「下免專」，1886年—1946年4月23號），原名夏鑄，字勉旃（粵音「免煎」），號悶庵，浙江上虞松廈人。中國近代教育家、散文家、翻譯家。最出名嘅譯作係愛德蒙度·迪亞米治斯嘅《愛的教育》。

姓名

1912年中華民國建國之後，社會上面盛傳會有普選。由於夏鑄對政治無興趣，唔願意當選，於是將自己個名改成「丏尊」，以代替發音相似嘅「勉旃」。由於當時嘅選票係要人手寫名嘅，夏丏尊希望選民投票嘅時候會將「夏丏尊」寫錯做「夏丐尊」，令到選票作廢。雖然後來未真係搞到普選，但係夏鑄從此以後就叫咗「夏丏尊」。