大三巴牌坊
座標: 22°11′51″N 113°32′26″E / 22.19750°N 113.54056°E
大三巴牌坊係澳門嘅一處地標旅遊勝地。佢而家係由一個牌坊、一個廣場、一條大石階、同埋一個地庫博物館組成。
目錄
佈局改
歷史改
大三巴係一座葡萄牙人起嘅教堂，叫做聖保祿教堂，嚮1580年新起好，係當時亞洲最大嘅天主教教堂。
嚮1595年同1601年先後喺三次大火被燒毀。1602年重建好，意大利籍耶穌會會士卡洛斯·斯皮諾拉神父設計，並保留當初1602年重建嘅設計，由於教堂係奉獻畀聖母，又被稱為聖母堂，係當時遠東最大嘅天主教石建教堂。
1762年，聖母教堂先後被改成軍官宿舍、兵營。
1835年1月26號晏晝，教堂嘅廚房火燭，最後將教堂燒淨一道3層樓高嘅牆同埋68級台階。由於教堂前牆好似中國嘅傳統牌坊，所以本地人便叫佢做「大三巴牌坊」。
1990年頭，政府曾經對教堂遺址進行考古調查同埋一啲修復嘅工作，發現咗當時教堂背後嘅建築遺址同埋葬教士嘅墓地。
1996年，政府喺遺址起咗天主教藝術博物館同墓室，展出唔少澳門教會嘅珍貴文物。
嚮回歸前嘅澳門政府已經想將牌坊申報為世界文化遺產，但係由於政治同埋技術因素而未成功。
2005年，中華人民共和國政府成功向聯合國教科文組織申報咗世界文化遺產，大三巴牌坊成為咗澳門歷史城區一部份。