大昌集團
提示：呢篇文講嘅唔係大昌食品。大昌集團（Tai Cheung Holdings Limited，港交所：88）係香港嘅一間地產公司。大昌地產喺全盛時期係「地產五虎將」嘅其中之一。
大暑集團嘅前身大昌建築喺1950年代成立，當時大昌專係收購一啲舊廠房、學校嚟起樓，所以發展出唔少大型項目，例如：青山道473號嘅兩排唐樓，前身係益豐搪瓷廠；依家被稱為馬頭角十三街嘅唐樓群，前身係南洋紗廠。
1970年代，股市同地產市道暢旺，大昌亦喺呢段時期急速發展，起咗唔少樓，例如大同新邨同黃埔新邨，更加買咗喜來登酒店嘅股權，風頭一時無兩。大昌當時都同其他公司夾份起樓，好似同和記合組城都地產，同太古合組太古昌發展，當中太古昌發展重揸住太古城嘅發展權，不過太古有咗做地產嘅經驗之後，就買埋大昌嘅股權。
更加唔好彩嘅係，陳德泰喺1981年過身，得63歲。主席個位即刻由個仔陳斌接手，陳斌成為當時最後生嘅上市公司主席。之後嘅大昌地產都冇咩大型嘅發展，規模自然遠遠唔及地產五虎將嘅其他成員。大昌集團比較近期嘅活動係2012年喺淺水灣投到一塊地，當時市場形容結果係「爆冷」。
依家嘅主席係陳斌，陳德泰嘅仔，亦都係集團第一大股東；而陳德泰另一個女陳秀清就係公司嘅法律顧問，佢亦都係香港另一個地產商鄭維志嘅老婆。原本嘅第二大股東係陳德泰老婆陳潘慧娟，佢2020年死後，股權分畀陳斌同陳秀清。
歷史
編輯發展項目
編輯- 兼善里兩旁嘅唐樓（青山道473號）
- 大角咀「中」字頭樓宇
- 旺角甘霖街「廣」字頭樓宇
- 紅磡黃埔街兩旁唐樓