大連實德足球會

大連實德足球會（簡化字：大连实德足球俱乐部）係中華人民共和國遼寧大連嘅一間解散咗嘅足球會，前身係喺1983年成立嘅大連足球隊，1992年改組叫大連足球會，1994年由萬達集團接手，改叫大連萬達足球會，1999年由實德集團加入合作，改叫大連萬達實德足球會，再喺2000年改用而家個名。

大連實德曾經喺1994、1996～1998、2000～2002及2005年攞過中超（包括前身甲A）聯賽冠軍，有「八星大連」嘅美譽；尤其喺1998年，試過殺入亞洲冠軍挑戰盃（而家屬亞冠一部分）決賽重攞咗亞軍；2001年有過半數隊員入選國家隊，重喺同年10月7號幫中國足球第一次殺入FIFA世界盃決賽圈。2012年因為實德集團出問題，俾嗰時嘅波士——趙明陽宣佈球會解散，多數球員過檔大連阿爾濱（而家嘅大連人職業足球會）。