天譴論
提示：呢篇文講嘅唔係天演論。天譴論即係一種認為自然災害造成大量人命死傷，係由於人得罪咗個天而造成嘅論調。喺唔同文化同宗教，都有類似天譴論嘅嘢。
董仲舒天人感應說
編輯以前中國人認為天地人叫做三才，而其中「地」係應該靜而唔應該動，如果地動即係話社會有人事變動，所以古代啲皇帝都將地震同埋王朝盛衰拉上關係，例如《國語．周語上》就咁講：「伊洛（河南伊水、洛水）竭而夏亡，河（黃河）竭而商亡[1]。」
中國思想家董仲舒就因為咁認為，君主係天嘅代表，係個天受命畀佢。所以君權係神聖不可侵犯。但由於天同人係互相感應，如果君主做得唔啱，雖然人管唔到，但個天管到，個天會畀啲災難落嚟昭示君主做錯嘢，咁個君主重唔改嘅話，天意就會改變，即係話受命畀第二個人做君主[2]。
墨家天志論
編輯中國墨家認為，喺人倫社會秩序之上，有一個比人層次更高嘅非人存有者，叫「天」。天有佢嘅意志，主宰人倫秩序，負責賞善罰惡[3]。所以墨家認為，如果違返天意而行，就會受到個天處罰。
基督教
編輯基督教亦有天譴論，喺聖經就有好多關於人因為得罪上帝而受到懲罰嘅故事。例如《創世紀》講嘅所多瑪天火焚城，就話因為所多瑪太多罪惡，於是上帝就用天火將所多瑪一把火燒晒。另外《出埃及記》又有講話法老王因為對啲希伯來人唔好，於是就降十災對付法老咁話。
科學角度
編輯基本上所謂天譴論，喺以前好多人都相信，不過而家好多人都認為係一種迷信，因為大自然嘅現象，其實唔會畀人類社會政治變化而影響到。不過有另一種見解，認為人類由於對大自然破壞，去到大自然頂唔住嘅程度，於是就出現大型災害，咁樣都算做天譴。