太平塔 (佛山)
太平塔（粵拼：taai3 ping4 taap3），又嗌舊寨塔（gau6 zaai3 taap3），係中國廣東佛山嘅佛教特色磚塔，大明萬曆庚子年（1600年）冬月廿五起好，喺順德大良街道嘅順峯山公園北區東邊嘅太平山頂。
| 太平塔 (佛山) | |
|---|---|
 | |
| 明細 | |
| 原名 | 太平塔 |
| 類型 | cultural heritage[*] |
| 用途 | 觀光 |
| 構造 | 磚石結構 |
| 樓數 | 7層 |
| 高度 | 25.58m |
| 落成 | 1600年 |
| 改築 | 1831年、1888年、2018年 |
| 喺邊 |  中國廣東佛山順德區順峯山公園北區東邊嘅太平山頂 |
| 座標 | 22°49′12.84″N 113°17′21.17″E / 22.8202333°N 113.2892139°E |
| 保護形式 | 佛山市文物保護單位 |
| 保護單位 | 佛山市人民政府 |
| 號 | FS-04-138 |
| 登錄 | 2006年10月25號 |
佢亦係佛山市入面保存得比較好嘅大明樓閣式磚塔。
概況
編輯佢屬八角七層樓嘅閣式磚塔，高25.58m，塔身係青磚建築；底層每角牆闊41dm，厚33dm，入口劵門闊114cm，有廿四個塔窿。每層樓都有3埐牙磚凸出，似環帶噉。3樓東西兩邊都有隸書石匾，其中東邊寫「天門瑞氣」；西邊寫「震旦玄光」。另外，雖然地面有門口響度，但係有鐵閘鎖住，平時淨畀公園管理方同工程隊先至畀入。
史
編輯據咸豐版《順德縣誌》載，座塔喺大明萬曆己亥年七月初五（1599年8月26號）逳手起，直到庚子年冬月廿五（1600年12月28號）起好。曾經喺大清道光十一年（1831年）同光緒十四年（1888年）重修過。1944年，廣東人民抗日遊擊隊珠江縱隊嘅部份同志駐地睇實蘿蔔頭有冇嚟，重喺1945年2月19號嘅舊寨塔之戰入面，有五位仁兄喺呢度抗日時留低咗三日，重將日軍清走。中華人民共和國成立後，1989年俾大良鎮人民政府負責修復，重喺1991年5月18號俾順德縣人民政府（而家係順德區人民政府）列佢做重點文物；2006年10月25號俾佛山市人民政府升級佢做市級重點文物，重喺2010年6月22號列佢做中共順德區黨員教育基地。2018年3月26號嘅順德兩會期間開始提出修繕保護[1]，重喺同年5月28號逳手搞[2]。工程直到2019年6月27號搞掂[3]。
睇埋
編輯攷
編輯- ↑ 〈顺德公布青云塔、太平塔修缮保护方案〉。佛山日报。2018-03-27。原著喺2022-01-28歸檔。喺2022-01-28搵到。
- ↑ 〈佛山顺德"众筹"3000万元 修缮400年历史的双塔〉。《羊城派》。雪花新闻。2018-05-29。原著喺2022-01-28歸檔。喺2022-01-28搵到。
- ↑ 〈顺峰山公园青云塔、太平塔修缮顺利完工！解码双塔修缮背后的故事〉。《珠江商报》。網易。2019-06-27。原著喺2022-01-28歸檔。喺2022-01-28搵到。
連出去
編輯- 顺德为何要重修顺峰山双塔？原来背后有这些故事 南方+
- 顺德太平塔 博雅地名